食素食到好辛苦
●嘉慧——
唉，俾媽媽嘈完，嘈我好耐，佢迫我食番肉，佢話聽日我一定要食番俾佢睇，佢話我自從食素之後就面色好差，身體又唔好，不過我一向身體狀況都係咁，佢就用黎借題發揮。
不過如果要我食肉話，我會好難過，好唔開心，一諗起佢地係點死，就會好想喊，好似違反自己道德觀，感覺同食人肉冇分別，辜負左自己信仰同自己向觀音發願。一諗起，如果要我食咁 點好，我會冇面目見觀音佢地，覺得自己好衰好衰，好污糟，我會墮落，放棄自己，一諗起就唔想，我唔想變成咁，食返奶蛋已經係我最大既讓步，點解仲要迫我？
●Carlosyuen——
放心吧， 雖然妳的媽媽不支持妳吃素， 可是我們這裡全部人都會支持妳。
妳媽媽想妳吃肉也是希望妳身體好，那妳就做個身體健康的素食人給她看。
既然妳自己都不想吃肉，那妳勉強吃肉也於事無補，從妳形容所得，妳媽媽該是個受軟不受硬的人，向她行「軟功」吧。說明自己的立場，希望她能諒解，但千萬不要頂撞她，世上沒有不愛自己子女的父母，雖然說服父母重要，但最好也是做好自己，即努力保持健康， 證明吃素也能生存的！
最後希望妳能夠繼續堅持吃素和說服到妳的媽媽吧！
●恆朝——
嘉慧：屋企有無放一些素食的資訊？要潛移默化家人喔。
例如Club O 之月刊，散發正確之飲食常識，又向家人發放信息，香港人熟識的一些吃素明星，如呂頌賢、麥景婷、周秀蘭、陳秀雯、鄭佩佩、原子鏸、伍衛國、江 樺、麥潔文、陳志雲、大S、仲有醫生勞永樂等等，睇睇，連醫生也吃素，重係香港醫務委員會成員，曾是香港醫學會會長，大大聲但溫柔地講俾阿媽知，醫生也吃素，點會唔夠營養？但要識配搭，乘機嗲媽咪為妳多煮一些素菜，重要找一些素菜菜譜俾媽咪參考？ 上去《美味齋TALKING》http://infotain.tvb.com/veggilicious/01/
俾D信心，加油加茶加湯！
●草介——
若我是您，我會向您媽媽說您已向觀世音菩薩發願茹素，望父母身體健康，家庭和睦。
並於網上找多一點資料，有意無意地向她洗腦，現今所謂的食物根本是葯物組成，得到營養之餘，還有大量農葯、激素、化學色素等等，這些根本便是患癌腫的主因， 您有無睇最近的《鏗鏘集》報導，現今的牛奶是對人類無益的，還增加患癌的機會，外國醫生是有數據而說的。
有一些人，佛緣未足，無法相信因果法則，且於屢世習氣中確定肉食是必須的， 要一時三刻改變之，有時候真的無法立即改變， 要有耐心慢慢來，愚見是人類是無權這樣剝奪其他有情的生命，且這樣對動物實在太殘忍了。
我的經驗是購買一些素肉(如素牛肉)供您母親煮下，食用後或許有新體驗， 我的身邊人便是這樣跟我茹素。
最後，您毋須為這短暫時間無法茹素而煩惱，茹素的目的是要培養慈悲心，將來成就菩提心，成佛正因， 若客緣令您無法堅持，只要不起殺念，不為口褔而吃，亦不為過。
其實，殺生之事，您每天也在做，只是您不知道而已， 戒殺之重點不在於行為上有否殺生，而在於您的『心』。
以上是個人愚見，盼可解您困惑!
●嘉慧——
▲carlos：我知，我都知媽媽佢地咁做都係為我好，不過佢咁做有時只會令我更煩，而且佢又好怕我食食素出家，所以同佢講佛法係會弄巧反拙，而我只有閉口吃自己的素份兒，
▲Vrindavan：你都講得好有道理喇， 因為講真，我自吃素以來，吃的東西的確比吃肉時的質素好。因為吃素，我吃多了不同種類顏色蔬菜生果，嚐試不同食物同烹調方法，所以我覺得吃素好好喔，除身體真的比以往怕凍外，面色青d，都冇咩。呢d我諗做下運動，飲食上做返適當調整就會冇事，因為唔駛殺生而養活身體感覺好好，去到邊都好安心。
▲小漣子＋asura：有喔有喔，我成日都唸「觀世音菩薩」 同《大悲咒》，心經，昨日媽媽的確係好d，觀音菩薩的確好照顧小妹！！我真係好感激佢，所以我願意生生世世都跟隨佢！！ 不過同媽媽講佛法就唔好喇，費事一陣佢真係以為我出家仲大鑊。
▲恆朝：你講我都唔敢做，因為次次阿媽佢話我食素，佢就一定以好憎恨態度講：俾佢知道邊個教我食素，就斬佢呀，佢當然唔係講真，不過我諗都唔好喇。而且真係冇人教我食素嘛。哈哈，所以算啦。
▲草介：不了，用神佛對佢冇用，仲俾佢話我發埋願佢真係以為我會出家，
唉，所以我依家，係佢面前都唔會講太多呢d，但暗地裡我都有唸經迴向返比佢地，希望佢地快d接受我食素啦，《鏗鏘集》播牛奶case我都有同佢講呀，不過佢左耳入右耳出之嘛。佢同我一樣，佢話我食素時我左耳入右耳出 ，而係我同佢講食素好時，佢又左耳入右耳出，果然我係佢生女，不過我比佢青出於藍，而素肉我就少食喇，因為素肉唔係咁好食 。
●Ant——
下次可以試：飲完d湯，食完d肉，聲去廁所睇書，然後出好好聲氣咁同阿媽話（扮晒個隻）：『都唔知點解，近排食親d肉湯都拉肚子，唔知駛唔駛睇醫生呢？出街食係咁，響屋企食又係咁，痾到個人軟晒，冇晒力，我都係要一陣透透先！』然後上床休息一會，閉目靜心。 睇情況點？
●嘉慧——
係呀，的確我吃素後面色差了，我諗係同我平日日常生活習慣有關：
原因一：飲食不夠均衡；
原因二：冇運動 ；
原因三：夜，作息唔定時。
食肉個時已經冇運動，所以身體一向不是太好。現在我差不多每隔一個月就病一次，我想是我好好同自己的生活習慣來個大改革的時候了。
●山草藥——
我化妝多了，不是自信心動搖，而係我唔想每次同媽媽見面都為我吃素的事而起口角，同時我都唔想成日俾人話，化了妝靚靚的，我心情靚時佢又靚，不是更好嗎？禪定我也有修喔，我平日愛看佛書經文，而且都有誦經，禪定同埋觀察自己平日對任何事既反應，再調整自己思考態度。
●素素子——
其實食素真係唔使理人咁多，雖然有時無啦啦俾人寸係有唔開心，但d 無謂人係身邊閒言閒語，由佢囉，道不同不相為謀。
有時心諗佢地係膚淺、妄語、口不擇言，但其實自己又有幾「高尚」？ 記得周博士講過：「如果一個人有悟性，係唔需要勸佢，佢自然會由心而發去做。」 希望愈來愈多人有悟性，不為口福而殺生！阿彌陀佛。
以上節錄自香港素食會討論區，歡迎有空來聊天、料、發表高見：www.club-o.org
您吃素有困難？有疑問？失去信心？想人支持、開解、教路？記得每個月第3個星期日下午4:00來Club O，與先行者及專家真情對話。（8月19日、9月16日）詳見V3頁。
